Raha...

Raha hainao ny mitony nefa ny hafa rehetra

misavorovoro sy manakiana anao,

Raha matoky tena ianao nefa io izy rehetra

misalasala mafy izay mikasika anao;

Raha hainao ny miandry, tsy sasatra miandry,

ny tsy mamaly fitaka ny lainga izay afafy,

ny mpankahala anao tsy hovalianao sandry,

Tsy miseho ho hendry ianao no sady tsy mandrafy:

Raha hainao ny maniry nefa tsy manao ny nofy ho Tompo

Raha hainao ny misaina nefa koa tsy andevony

Raha hainao ny mandray ny fandresena sy ny loza,

izay samy fitaka, amin'ny fomba roa mitovy;

Raha zakanao ny mandre ny marina resahinao

Aolan'ny mpandavo amitahany olona adala.

Raha tsy kivy ianao manorina izay natsanganao

Nefa hitanao nirodana, nikoro sy nirava:

Raha nampiasainao daholo ny fanananao rehetra

izay zary fatiantoka ka vao hanomboka indray,

nefa ianao tsy mitaraina tomanin-tsetsetra

na manenina akory sy misento mahamay.

Raha vitanao terena ny fo, ny saina sy ny tena

mba hanenjika indray ny fandresena efa nandao

Dia io ianao miady mafy, mangirifiry mahonena

Ny faniriana mba tavela no miantso hoe: "Andao!"

Raha hainao ny besinimaro, no manan-kasina ianao,

Ny anilan'ny mpanjaka, nefa koa mbola vahoaka.

Raha, na fahavalo na sakaiza, tsy misy maharatra anao.

Raha atokisana ianao nefa koa tsy tafahoatra.

Raha vitanao fenoina ny ora lasana misesy

Fenoinao herim-po, fikirizana sy tanjaka

Dia anao ny Tany sy izay eo aminy rehetra.

Fa mbola ambonin'izany, Lehilahy ianao, ry zanako!